網紅的藏寶箱我自己好少睇電視劇，但《大叔的愛》個勢最勁之處，係即使無追劇，但都知道阿田同阿牧，同埋聽聞黃德斌好有驚喜。當我無追開劇都知道劇中人物關係，就知道呢部戲、演員個勢有幾咁勁。
另一邊廂，嗰個過氣電視台做乜嘢劇，一來無興趣知，二來身邊無人提，三來網上無人講，本來我都唔知，但我而家知喇，CCTVB 做緊《刑偵日記》。而我知道呢部戲個原因，係因為佢收視低，低到有人討論佢咁低收視，CCTVB 諗緊變陣喎。
有啲關係，佢唔分手你都唔知道。有啲人，佢唔死你都未聽過。有啲劇，佢唔低收視都根本無人談論。
見到一個出賣香港人嘅大台，一步一步衰落，逐漸被人唾棄，變成過氣嘅代名詞，心不冷，卻有點涼。